Biografie

Graham Newcater is in Johannesburg op 3 September 1941 gebore, maar het grotendeels sy skoolopleiding in Durban, waar sy familie in 1948 verhuis het, ontvang. Terwyl hy meganiese ingenieurswese aan die Natalse Tegniese Kollege studeer het, het hy ook musiek privaat studeer (klarinetlesse en komposisielesse via korrespondensie met Arnold van Wyk). Met sy terugkeer na Johannesburg in 1958 was Newcater in die motor industrie werksaam. Gedurende hierdie tyd het hy ook sy musiekstudies voortgesit met komposisie onderrig van Gideon Fagan. In 1962 het hy deur middel van 'n beurs deur die Suid-Afrikaanse Musiekregte Organisasie (SAMRO) in Londen studeer. Vir twee jaar het hy aan die Royal College of Music komposisie onder leiding van Peter Racine Fricker en dirigeerskap (in die tweede jaar) onder leiding van Sir Adrian Boult studeer. In 1965 het Newcater na Johannesburg teruggekeer waar hy vir 'n kort periode by die Suid-Afrikaanse Uitsaaikorporasie (SAUK) werksaam was. In 1966 het hy na Londen teruggekeer waar hy die Ralph Vaughan Williams beurs gewen het op aanbeveling van Howard Ferguson, Robert Simpson en Humphrey Searle, met wie hy privaat vir ses maande gestudeer het. Einde 1966 het Newcater finaal teruggkeer na Johannesburg waar hy vir 'n kort periode by die SAUK werksaam was. Met die sukses in van sy Eerste Simfonie (begin in Londen in 1964 en voltooi met sy terugkeer) het hy opdrag ontvang van die Transvaalse Raad vir Uitvoerende Kunste (TRUK) om die musiek vir die ballet Raka, gebaseer op 'n gedig van N.P. van Wyk Louw, te komponeer. Die sukes van hierdie ballet het gelei tot die verfilming daarvan wat wêreldwyd deur 20th Century Fox versprei is.

Benewens Raka, het Newcater verdere suksesvolle oorsese uitvoerings gevier, naamlik sy Eerste Simfonie in Parys en Brussels en sy Filharmoniese Overture in Asunción en Montevideo. Newcater is 'n 12-toon komponis en sy mees belangrike werke sluit in:

Eerste Simfonie
Raka (Ballet)
Variations de Timbres (vir orkes)
Derde Simfonie	1ste beweging
	2de beweging
	3de beweging
Strykkwartet
Songs of the Inner Worlds (vir sopraan en orkes)
Cape Chronicles
African Idylls (vir strykkwartet)

Vertaling van inligting deur Graham Newcater verskaf, 2 November 2009

WERKE

ORKESWERKE

• Concerto vir Tromboon en Orkes (Opdragwerk: Datsun-Nissan Korporasie)
• Concerto Grosso I, Johannesburg 1962 – Londen 1963 (eerste uitv. RCM, Londen, 1964)
• Concert Ouverture, Londen 1962-1963
• Simfonie Nr. 1, 1962-64 (SAUK Nasionale Simfonie Orkes, dir. Anton Hartman; Johannesburg; 1965; Opdragwerk: SAUK, 1962-64)
• Simfonie Nr. 2, 1965 (Opdragwerk: SAMRO, 1966 vir Republiekfees)
  
• Variations de Timbres, 1967 (SAUK Nasionale Simfonie Orkes, dir. Anton Hartman; Johannesburg; 1969; Opdragwerk: SAUK)
• Notturno per Orchestra, 1968 (Opdragwerk: SAUK vir SAUK Junior Simfonie Orkes)
• Temple Music, 1971 (SAUK Nasionale Simfonie Orkes, dir. Edgar Cree; Johannesburg; 1973; Opdragwerk, SAUK, 1971)
• Rain Queen Concert Suite, 1972 (SAUK Nasionale Simfonie Orkes, dir. Francesco Mander; Johannesburg; 10.09.74; Opdragwerk: SAUK, 1972)
• Protea Symphonic March (SAUK Nasionale Simfonie Orkes, die. Edgar Cree; Johannesburg; 1979; Opdragwerk: SAUK, 1972)
• Raka Concert Suite, 1973 (In Memoriam: Frank Staff) (SAUK Nasionale Simfonie Orkes, dir. David Tidboald; Johannesburg; 1982; Opdragwerk: SAUK, 1973)
• Palindromic Structures, vir Klavier en Orkes (Opdragwerk: SAUK, 1977)
  
• Simfonie Nr. 3, 1978 (Wenner van komposisieprys, Departement van Opvoeding; SAUK Nasionale Simfonie Orkes, dir. Anton Hartman; Johannesburg; 30.01.81; (Opdragwerk: SAUK, 1978)
• Concerto vir Viool en Orkes, 1979 (Opdragwerk: SAMRO)
• Philharmonic Overture, 1980 (Opdragwerk: Oude Libertas vir NARUK)
• Concerto vir Klarinet en Orkes, 1982
• Threnos, 1983 (Opdragwerk: SAUK, 1983)
• Mosaics (Opdragwerk: SAUK, 1986 vir Johannesburgse Eeufeesviering & 50ste Herdenking van SAUK)
• Natalia, Konsertouverture
• Cape Chronicles, 1994 (vir 80ste Herdenking van die Kaapstadse Simfonie Orkes; Opdragwerk: Foundation for the Creative Arts)

VERHOOGWERKE

• Raka Ballet, gebaseer op gedig van N.P. van Wyk Louw, 1967 (Opdragwerk: TRUK)
• Rain Queen (Ballet), 1970 (Opdragwerk: SUKOVS, 1970)
• Anatomy of a Dance, Ballet in vier bewegings, 1973
• What’s in a Name? Komiese opera in 2 bedrywe (Teks: Chris Martin; Dialoog: Komponis)
  

VOKAAL MET ORKES

• Vier Kleine Orchesterlieder, 1978
• Songs of the Inner Worlds, 1991 (Opdragwerk: Total SA)

KAMERMUSIEK

• Three Pieces, vir viool en klavier, 1963
• Trio, vir viool, horing en klavier, 1982
• Strykkwartet, 1984
• African Idylls, vir strykkwartet

RADIO MUSIEK

• Joseph and his Brothers = Josef en sy Broers: Incidental Music for a serialized Radio Drama, 1964 (Opdragwerk: SAUK, 1964)
• Raka (Radiofoniese drama vir spreekstemme, klank-effekte en musiek, in Engels en Afrikaans)

TELEVISIE MUSIEK

• SWA TV Logo I, Fanfare
• SWA TV Logo II, Fanfare
• TV Logo, Fanfare, 1979

GELEENTHEIDSMUSIEK

• Fanfare for Israel, vir koperblaasinstrumente, 1978

VERWERKINGS/ORKESTRASIE

• Joy To The World, Kerslied (C: G.F. Handel; A: Isaac Watts)
• Czernyana III, Ballet (Gebaseer op werke van Carl Czerny) 1966 (Commissioned by PACT)

JEUGWERKE

• Adagio vir Orkes, 1958
• Concerto in E Mineur, 1958
• Michael Strogoff, Ballet Suite, 1960
• Storm Music, Toondig vir Orkes, 1960
• Arietta Con Variazioni Per Clavicembalo, 1964
• Partita per Clavicembalo, 1964
• Preludio e Doppio Fuga per Clavicembalo

KLAWERBORD

• Koraalprelude op ‘Bly By My, Heer, Terwyl die Skemer Daal’, vir orrel, 1978
• Toccata, vir klavier, 2012 (Opdragwerk: SAMRO, vir die 12de UNISA Internasionale Klavierkompetisie)

PUBLIKASIES

Publikasies oor Graham Newcater

.