DOMUS BANNER
Raka komponis skenk dokumente aan DOMUS Print E-mail

Graham Newcater

 

Graham Newcater, Suid-Afrika se mees gevierde twaalftoonkomponis, het verskeie van sy musikale outograwe, sketse, foto’s, briewe en kunswerke geskenk aan die Dokumentasiesentrum vir Musiek. Hierdie skenking sluit in outograafpartiture van sy Strykkwartet (1984), sketse en die outograafpartituur van Variations de timbres (1967) en jeugwerke en oefeninge.

Alhoewel hierdie skenking beteken dat DOMUS nou die grootste enkele versameling Newcater materiaal in Suid-Afrika besit, verteenwoordig die versameling slegs 'n klein deel van Newcater se musikale en literêre nalatenskap. Die meeste van die komponis se oorspronklike partiture word besit deur opdraggewende instellings soos die SAUK en SAMRO. DOMUS het nou, met die hulp van die komponis, begin met 'n projek om goedgekeurde kopieë van hierdie materiaal in Stellenbosch te versamel.

(Mei 2007)

 

Manuskrip van Variations de Timbres

Uittreksel uit Newcater se Variations de Timbres (1967)

Biografie

Graham Newcater is in Johannesburg op 3 September 1941 gebore, maar het grotendeels sy skoolopleiding in Durban, waar sy familie in 1948 verhuis het, ontvang. Terwyl hy meganiese ingenieurswese aan die Natalse Tegniese Kollege studeer het, het hy ook musiek privaat studeer (klarinetlesse en komposisielesse via korrespondensie met Arnold van Wyk). Met sy terugkeer na Johannesburg in 1958 was Newcater in die motor industrie werksaam. Gedurende hierdie tyd het hy ook sy musiekstudies voortgesit met komposisie onderrig van Gideon Fagan. In 1962 het hy deur middel van 'n beurs deur die Suid-Afrikaanse Musiekregte Organisasie (SAMRO) in Londen studeer. Vir twee jaar het hy aan die Royal College of Music komposisie onder leiding van Peter Racine Fricker en dirigeerskap (in die tweede jaar) onder leiding van Sir Adrian Boult studeer. In 1965 het Newcater na Johannesburg teruggekeer waar hy vir 'n kort periode by die Suid-Afrikaanse Uitsaaikorporasie (SAUK) werksaam was. In 1966 het hy na Londen teruggekeer waar hy die Ralph Vaughan Williams beurs gewen het op aanbeveling van Howard Ferguson, Robert Simpson en Humphrey Searle, met wie hy privaat vir ses maande gestudeer het. Einde 1966 het Newcater finaal teruggkeer na Johannesburg waar hy vir 'n kort periode by die SAUK werksaam was. Met die sukses in van sy Eerste Simfonie (begin in Londen in 1964 en voltooi met sy terugkeer) het hy opdrag ontvang van die Transvaalse Raad vir Uitvoerende Kunste (TRUK) om die musiek vir die ballet Raka, gebaseer op 'n gedig van N.P. van Wyk Louw, te komponeer. Die sukes van hierdie ballet het gelei tot die verfilming daarvan wat wêreldwyd deur 20th Century Fox versprei is.

Raka plakkaat

Benewens Raka, het Newcater verdere suksesvolle oorsese uitvoerings gevier, naamlik sy Eerste Simfonie in Parys en Brussels en sy Filharmoniese Overture in Asunción en Montevideo. Newcater is 'n 12-toon komponis en sy mees belangrike werke sluit in:

  • Eerste Simfonie
  • Raka (Ballet)
  • Variations de Timbres (vir orkes)
  • Derde Simfonie
  • Strykkwartet
  • Songs of the Inner Worlds (vir sopraan en orkes)
  • Cape Chronicles (vir orkes)
  • African Idylls (vir strykkwartet)

Vertaling van inligting deur Graham Newcater verskaf, 2 November 2009

 

NEWCATER MANUSKRIPTE TERUG IN SUID-AFRIKA

DOMUS het 'n skenking ontvang van Newcater outograwe vanaf James Woods, 'n vriend van die komponis sedert sy verblyf in Engeland in die vroeë sestigerjare van die vorige eeu. Die outograwe sluit in Newcater se Concert Overture, Variations for Orchestra, Simfonieë nr. 1, 2 en 3 (sluit ook sketse in) en Three Pieces for Violin and Piano.

James Woods oor die Newcater skenking:

"When Graham Newcater came to England in the early 1960s he took a room in an apartment block in London, at 15 Rugby Mansions, Bishop Kings Road. My parents, who lived at number 13 immediately below, were very friendly with Mrs Williams, Graham's landlady. So I came to know Graham through Mrs Williams. He and I had a common interest in contemporary classical music, he as a professional practitioner, I as a keen listener.

And we had a tenuous link, in that one of Graham's teachers, Peter Racine Fricker, had recently been the recipient of a commission from the brewery company, Arthur Guinness, for whom my father worked and who was involved in the commission (for, I believe, the third symphony). Indeed, I was one of the people who suggested that Fricker be put on the short list to approach for a commission. I rapidly came to admire Graham's music and enjoy his company. We even talked about collaborating on an opera (on Caligula) for which I would write the libretto; but I hadn’t written more than a couple of scenes before Graham returned finally to South Africa and I discovered I had no talent for drama. I was working for British Rail in operational research during Graham’s stays in England, and continued working for the railways – either as an employee or as a consultant – until I retired in 1996 at the age of 57. I married my wife Lis in 1976."

E-pos vanaf James Woods, 14 Maart 2010

 

(Junie 2010)

 

Last Updated ( Thursday, 09 June 2011 )
 

Kopiereg DOMUS 2006 - 2021 www.domus.ac.za. Alle Regte Voorbehou. | Algemeen | Webtuiste | Voorwaardes vir Gebruik.

SUN LOGO